湊仔學堂|育兒問題Q&A:點樣幫1-2歲小朋友快啲開口講野?
![](https://www.eugenegroup.com.hk/resources/frontend_assets/img/homepage_2022/profile/get_pt_btn_1.png)
![湊仔學堂|育兒問題Q&A:點樣幫1-2歲小朋友快啲開口講野? 湊仔學堂|育兒問題Q&A:點樣幫1-2歲小朋友快啲開口講野?](https://www.eugenegroup.com.hk/resources/uploads/images/article/large/article_20230505144607_Ovyw5leMkTq95OK.jpg)
日期:2023-05-12
對語言嘅學習離唔開聽、説、讀、寫,而且呢四項嘅次序不能顛倒。想小朋友學識講野,首先要俾小朋友聽得好同多。最根本係大人要多講説話,向小朋友提供語言環境,俾小朋友知道大人如何描述呢樣野。
第一步:物件同語言嘅鏈接
盡量多同小朋友講眼前嘅事物,例如新物品嘅名稱同用途。適當鼓勵小朋友模仿住講出黎。
好似:
- 同小朋友沖涼可以同佢講body parts
- 去行街就同小朋友講沿途事物:「呢隻係麻雀喎!」
- 邊做邊講,例如同小朋友出去嘅時候可以講:「我地行街啦!」
當小朋友可以熟練使用一D詞彙嘅時候,爸爸媽媽可以鼓勵小朋友講單詞組合成雙詞或者短句。
第二步:口肌發展
同飲食有關。固體食物嘅咀嚼吞嚥對小朋友口部肌肉發展非常重要,避免俾小朋友歲幾都只食糊仔等流質食物,需要適當加入飯菜。
第三步:製造環境令小朋友想講野
點解小朋友硬係唔肯講野?
假如小朋友要任何野只需要眼神、動作、或無意義嘅聲音,大人就會提供,咁佢地係唔會講野嘅。
同時,爸爸媽媽可以嘗試搭配一D教具:
- Curios flashcard,上面有圖片同文字,多D俾小朋友一路望住物件外貌,一路聽爸爸媽媽如何稱呼佢,有利於俾小朋友物件同語言嘅鏈接。
- Poster Set 俾小朋友更了解身體部位、數字、字母等基礎概念,對跟住嘅學習非常有幫助。
“小朋友到兩歲都唔肯講野,我好擔心!”
小朋友2歲後會有“語言發展爆發期”,會開始講比較多嘅野,爸爸媽媽可以耐心等待。唔好强迫小朋友講野,亦需要避免將佢同其他小朋友比較,小朋友可能會因爲壓力唔肯講野。另外,小朋友嘅心智發展必須全面,語言發展能力先會好。所以不妨放手俾小朋友多探索周圍嘅環境,避免阻止小朋友行動上嘅溝通。
資源來源:下午茶媽媽